سردين معمر فالفران بطريقة الغراتان مذاق كيهبل

فاطمة الفهرية

المواضيع: 894

جارة مديرة
المغرب

2015-01-28 14:47:37

مشاهدات: 5591

---

1 كيلوغرام سردين
نصف كيلوغرام بطاطس
قزبر
ثومة
تحميرة
كمون
سكينجبير
صلصة الطماطم
حامض
كاس زيت الزيتون
2 فلفلات صفرة و خضرة مشويين

---

كنقشرو البطاطا ونقطعوها و نديروها تسلق فالما و شوية الملح
ومن بعد فإناء كنديرو قزبر مقطع و الثومة محكوكة القياس لي بغينا
و الكمون و سكينجبير ونزيدوه على البطاطا ملي نحيدوها من فوق
البوطة ونمعسوها و نخليو شوية ندهنو بيه ضهر السردين وناخدو
شوية البطاطا متبلة ونديروها فسردينة ونلويوها بحال السيكار
ونستفوهم فطاوة مدهونة بالزيت او طبسيل ديال الفران
وملي نكملو التستاف



نكوبو صلصة الطماطم فوق السردين معمر



ونقطعو الفلفلة طويلة ونزينو بيها الطاوة



وندخلوها الفران من 15 تال 20 دقيقة ونخرجوها من الفران



وملي تاخد درجة حرارة المطبخ نزينوها
و نقدموها بالصحة و الراحة






مشاركة على فيسبوك مشاركة على تويتر