فطائر من الذ مايكون بالفرماج والطون شهيوات رمضان

فاطمة الفهرية

المواضيع: 894

جارة مديرة
المغرب

2015-06-23 19:46:04

مشاهدات: 5541

---

نصف كيلو دقيق
4 معالق كبار زيت رومية
معلقة كبيرة خميرة
1خمارة ديال الحلوة
معلقة كبيرة نيدو
كاس دانون مسوس
شوية الملح
معلقة كبيرة سنيدة
نجمعها بالماء دافئ وتكون بحال عجينة الخبز ندلكها مزيان تتولي كتطرطق ف ايدنا ونخلوها تخمرر

---

من بعد ناخد مقلة نشحر فيها بصلة كبيرة مع زيت بلدية
تم نضيف ليها الفلافل بانواعها مقطعة مربعات صغار
ونضيف الملح ونخليهم يطيبو
من بعد نضيف معدنوس مقطع والبزار ونطفي العافية
من بعد نزيد الطون مصفي 2 حكاك نخلط مزيان ونخليهم يبردو

من بعد نسرح العجين مربع كبير
ندهن بالمايونيز
ندير الحشوة في الوسط ونعمل فوقها فرماج سندويش
نسد بجهة وحدة ديال العجين وندير فوقها طريفات من الفرماج ونسد الجهة التانية
نقطعها مستطيلات بجرارة الپيتزا
نزلهم في لاطة مدهونة
ندهنهم بالبيض ونرش الزنجلان وندخلهم للفران مسخن مزيان بلا ميخمرو هنا ندخلوهم مباشرة بعد الدهن

وهنا من بعد ماخرجو من الفران
كيجو بنآن بزاف والعجين رطبة بحال القطن نتمنى تجربوهم حينت فعلا كيستحقو التجربة للي هي مضمونة 100%





مشاركة على فيسبوك مشاركة على تويتر