شهيوات رمضان تحضير ساندويتشات للعشاء

فاطمة الفهرية

المواضيع: 894

جارة مديرة
المغرب

2015-06-21 19:31:08

مشاهدات: 7622

---

مقادير العجينة

300 دقيق

معلقة صغيرة سكر

نصف معلقة صغيرة خميرة معجونة

شوية الملحة

ماء دافي

حضرت العجين خليتو يرتاح 15 دقيقة

---

حضرت العجين خليتو يرتاح 15 دقيقة

عملت منو كويرات وتنطلق كل كرة بالمدلك تبقى شوية غليظة

طيبتهم في المقلة الي غادي نعمل فيها الأمليت حيت كانعمرهم فوق البوطة

ملي طابت تنغطيها بمنديل حتى كملت و قسمتهم من الوسط على 2

للأمليت الأول او الحشوة الأولى فيها
2 بيضات
معلقة كبيرة حليب
ملح و ابزار
وجبن محكوك استعملت موتزريلا
وضعت شوية الزيت في المقلة و فرغت فيه البيض مخلط مع الحليب و الملح و الابزار

لما تماسك البيض و ضعت عليه الجبن

ثم نصف الرغيفة فوق اوليط فوق البوطة على الوجه الدخلاني “ملي قسمت البطبوطة على 2″

ثم قلبتها تيصبح الرغيف في الأسفل قلبت الرغيفة هزات البيض

تنعمل مرة أخرى الفرماج محكوك فوق اومليط

وتنغطي بنصف الرغيفة الثاني

وتنعاود نقلبها باش يدوب الجبن لي فوق لما تيدوب الجبن تيلصق الرغيف مع الأمليط تيجي على شكل فطيرة
للأمليط الثاني
2 بيضات
معلقة كبيرة حليب
ملح ابزار
شوية الكفتة
بصلة مشلظة
شومبينيون معلب
معدنوس
صلصة حارة
جبن محكوك
وضعت شوية الزيت شحرت فيه البصلة ثم الكفتة و في الأخير ضفت المعدنوس و الشومبنيون و ملح و ابزار

وفرغت عليهم البيض مخلط مع الحليب و ملح وابزار ومن فوق منهم شوية الصلصة حارة

لما تماسك الأمليط ضفت عليه الجبن محكوك ثم غطيت بنصف رغيفة


قلبتها تيصبح الرغيف في الأسفل

و تنغطي بنصف الرغيفة الثاني

وتنعاود نقلبها مرة أخرى باش يدوب الجبن لي فوق و الى بغينا الرغيفة تجي محمرة ندهنها بشوية الزبدة قبل ما نقلبوها
الأمليط الثالث
2 بيضات
معلقة حليب
ملح و ابزار
بصلة مشلظة
شوية كفتة
معدنوس
جبن محكوك
شحرت البصلة في الزيت وأضفت لها الكفتة و الملح و الابزار و المعدنوس و الباقي بنفس الطريقة

هاهما السندويتشات لي حضرت وتيبقى الاختيار لكل واحد يزيد أو ينقص على حسب أشنو تيبغي






مشاركة على فيسبوك مشاركة على تويتر