طريق تحضير بيتزا مجبدة وتتعلك ممتازة جدا بالصور
.png "جارة موثوقة")
المقادير :
المهم المقادير تتبق على حسب افراد العائلة انا تنعمل العجين كتير ونخليه فالفريكو ملي تنبغيها تنجبدها واحد 3 سوايع وهاني خادمة بيها
طريقة التحضير :
كيلو فورص
ملح
شوية الخميرة تاع الخبز
شوية الزعتر
كاااس تاع الزيت العوووود يكون عااامر نيت
كاس تاع الماء او اكتر هد الاخير على حسب نوعية الدقيق
الطريقة :
تنعمل الفورص الملح الزعتر والزيت العود وتنخدمهم بيدي وتنزيد الماء دافىء تدريجيا وتنخليها مرخوووفة
تنبق نعرك فيها وانا تنزيد الماء وخا تشوفوها مطلوقة متخافوووش محدكم تتعركوها وهي تتشد فراسها وتتحسي بيها رطبة مزيان بين يديك ومتتلصقش يعني كل مرة تنبق نزيد الماء حت تنحس بيها مرخوفة مزيان وبلا منوصل للدقيق يعني متنزيدش فيها الدقيق نهائيا هي بوحدها تتجمع
هاهي ملي خدمتها مزيان
نقسمها ونخليها تخمر هنا كل كورة غنخرج منها 2 بيتزات على حسب الطبسيل لي عندي غي نصف ساعة المهم على مانوجد ليها التعميرة ديالها
ندوزوا دبا للحشوة على حسب رغبة كل وحدة
انا استعملت هنا غي فلفلة مقطعة صغيرة مربعات
الموزريلا محكوكة فالحكاكة الغليضة
الدرة مصبرة
شوية تاع الشومبينيو
الطون
وبطبيعة الحال لاصوص انا تناخد غي حك تاع مطيشة معلبة وتنعمل معاها ملح ابزار كمون تحميرة ودريس توم وشوية زيت العود متنكترش منو تنزيد عليها شوية الماء فاش طيب لي لاصوص وتنخليها حت تتوقف وتنخدم بيها
نسرح العجين بالمدلك رقيقة بحال شكل البطبوط تاع التعمار
نتكها بالفورشيط مزيااان
خديت العجين دهنتوا بلاصوص
رشيت شوية الموزريلا
عمرت بالحشوة لي عندي
وعملت للمرة التانية الموزريلا بكترة
دخلتها للفرن تاخد حقها من العافية انا تنشعل غي البلاصة لي غطيب لي العجين من التحت الفوق متنشعلوش تيتحمر الوجه بوحدوا غي من الصهد تاع الفرن
هاهي ملي وجدات رشيت عليها شوية الزعتر وسقيتها بزيت الزيتون حاااااار
شوفوا كي تجبد
مشاركة على فيسبوك مشاركة على تويتر
أنت تستعملين الموقع كزائرة عادية فقط !
تسجلي الآن لتستفيدي من كل امكانيات الموقع
التسجيل الآن
تعليقات الزائرات :
الراية مشرملة فالفران
أكلات شرقية: فطائر السجق بجبن الموتزاريلا
طريقة عمل البرياني بالكفته
افخاد الدجاج مع الخضار تحضر بالفرن
طريقة عمل دجاج محمر مقرمش
بسطيلة بالسمك و الخضر
حبّار محشو بثمار البحر
