تحضير الكيش بالطون والفلفلة بالصور

أم عضي

المواضيع: 623

جارة مديرة

2015-05-29 15:56:00

مشاهدات: 14382

---

مقادير العجين :

500غ دقيق فورص
بيضة
معلقة سنيدة
نص كأس مخلط زيت العود وزيت رومية
ملح
قبيصة خميرة الخبز
شوية زعتر

---

كنجمعو مكونات العجين بالماء ونخليوه يرتاح بينما وجدات الحشوة



نسرحو العجين في قوالب صغيرة مدهونة بالزبدة و مرشوشة بدقيق ونتكوها بالفرشيط وندخلوها للفران طيب نص طيبة




الحشوة :

بصلة مشلضةفلفلة خضرا مقطعة مربعات صغيرةفلفلة حمرا مقطعة مربعات صغيرةملح +ابزار+خرقوم ملونزيت نشحروهم مزيان حتى تدبال البصلة والفلفلة 



نعملو خليط الفلفلة والبصلة لتحت ونديرو فوق منو الطون مصفى من زيت 

نطربو 2 بيضات مع شوية الملح ونفرغوهم عليه ثم في الاخير نعملو شوية الفرماج محكوك

ندخلوهم الفران حتى يطيب ويتحمر 


والعجين لبقا لينا ممكن نعملو منو بيتزات صغيرة وندخلوهم المجمد


وهاهو الكيش بالطون والفلفلة واجد وبالصحة والراحة



مشاركة على فيسبوك مشاركة على تويتر