بتي بان روعة

ولاء76

المواضيع: 292

جارة مشرفة

2015-05-25 16:28:28

مشاهدات: 5184

---

500 غرام من الدقيق
كاس د الحليب
1 ملعقة صغيرة ملح
10 غرام من الزبدة
40 غرام من السكر
1 ملعقة صغيرة من الخميرة الفورية
للتوراق
150 غرام زبدة
للتزيين
1 بيضة + 1 م ك دالحليب

---

نعجنو العجبنة د البتي بان مزيان حتى تولي رطبة ونديرولها البلاستيك الغدائي وندخلوها للثلاجة 30 دقيقة  وناخدو الزبدة الباردة دالتوراق ونديروها مابين 2 ورقات دالزبدة ونطلقوها بالمدلك بحال الصورة

نخرجو العجينة من الثلاجة ونورقوها على شكل مستطيل ونوضعو فوقها الزبدة اللي ورقنا

و نطويو الجناب على بع1يياتهم ونردو العجينة للثلاجة 15 دقيقة 
نخرجوها ونورقوها ونطويولها الجنابعلى 2 ونزيدو الطوية التانية بحال الصورة  


وندخلوها للثلاجة 15 دقيقة ونفس الطريقة نتبعوها 3 دالمرات حتى نكملو التوراق
فالاخير نطلقو العجينة على شكل مستطل او مربع ونقطعوها على حسابنا الحجم اللي بغينا بالقطاعة دالبيتزا او موس 

ونوضعو الشكلاط فالجنب ولوويو عادي ونحطوها فصينية الفران
نخلوهوم 1 ساعة يخمرو

و دهنيهم بالبيض والحلبب مطربين وندخلوهم لفران متوسط الحرارة 180 درجة لمدة 25 دقيقة وبالصحة والراحة  





ملااحظة = الا درتيهم وعيتي يمكن ليك تدخليهم للتلاجة يباتو حتى لغد ليه و عاد طيبيهم عادي ميوقع ليهم والو خاصهم غير يبقاو باردين فالثلاجة 

مشاركة على فيسبوك مشاركة على تويتر