بداز

Najlae

المواضيع: 262

جارة موثوقة
maroc

2015-05-07 05:31:38

مشاهدات: 8454

المقادير :

كيلو الدقيق ديال الدرة
المرق : اللحم العادي او لحم الراس + كاس الزيت + م ك سكينجبير + م ص ابزار + م ص خرقوم بلدي + 2 بصلات كبار مشفرين + 4 مطيشة كبار محكوكة + الحمص او الفول او هما بزوج +اللفت المحفور + + اللفت العادي + خيزو + ليشو +الكرعة حمرا + م ص السمن + الربيع مقبط + شوية ابزار .

طريقة التحضير :

كيلو الدقيق ديال الدرة وندهنوا بالزيت و نص كاس الما بارد و الملح ونبسبسوه بين اليد ونحطو يتبخر في الكسكاس
ومللي نحيدو من الكسكاس نحلو بالما بارد وهو باقي سخون باليد في الكصعة ونجمعوا و نديرو في الكسكاس
3 التفويرات و في كل مرة نرشو بالما بارد
المرق : اللحم العادي او لحم الراس + كاس الزيت + م ك سكينجبير + م ص ابزار + م ص خرقوم بلدي + 2 بصلات كبار مشفرين + 4 مطيشة كبار محكوكة + نص كاس الما ونشحرو ونقلب البرمة من اليدين ويتقلى ربع ساعة + الماء ايطرو ونص او 2 + الحمص او الفول ايلا كان وقتو او هما بزوج ونخليهم يطيبو حتى يدخل الطياب للحم ومن بعد نضيف الخضر : اللفت المحفور ايلا كان وقتو + اللفت العادي + خيزو + ليشو
في التفويرة الاخيرة : نضيف الكرعة حمرا و ما تبقى من كيلو مطيشة + م ص السمن + الربيع مقبط + شوية ابزار .
ونحطو ونسكي بالصحة

جارة معجبة بهذا المنشور معجبة بهذا المووضع