طوجين د الحوت بالبطاطا سهل سريع وأكيد لذيذ

أم عضي

المواضيع: 623

جارة مديرة

2015-04-27 19:49:12

مشاهدات: 5054

المقادير :

1 فلفلة حمرا + 1 فلفلة خضرا + 1 حبة طماطم + 6 ضريسات ثوم + ربيطة من القزبور + بطاطا مقطعة دوائر حسب الرغبة
+ م ص تحميرة + نصف م ص كامون + ملح حسب الذوق + شوية زعتر + زيت تقريبا ربع كاس أو عينك ميزانك

طريقة التحضير :

وأكيد الحوت مغاديش نكتب نوع محدد لأن هاد الطجين كيجي تقريبا بجميع أنواع الحوت الأبيض وبعض أنواع الحوت الأزرق مثلا الشرال أو الشطون أو السردين المهم كيبقى المجال مفتوح أمام إختياركم والمتوفر عندكم
الطريقة : طوجين د الحوت بالبطاطا سهل سريع وأكيد لذيذ
كندبل الفلفلة فالزيت ثم نضيف القزبور والثوم نخليهم شوية عادي نضيف التوابل نخلط كولشي ونضيف حبة طماطم مقطعة مكعبات صغيرة
نخليها تقريبا 5 دقايق مع التحريك من حين لآخر ثم نضيف البطاطا

ونضيف الحوت وضوري جدا الحوت نكون ملحتو
نضيف الماء الكافي ونخلي الطاجين يطيب

وهاهو واجد بالصحة والراحة