بسطيلة بالكفتة والخضار ساهلة ماهلة

فاطمة الفهرية

المواضيع: 894

جارة مديرة
المغرب

2015-06-19 16:11:12

مشاهدات: 5631

---

400 غ كفتة + 4 حبات جزر محكوك + 3 حبات قرع اخضر محكوك + 1 بطاطا كبيرة محكوكة + 1 بصلة كبيرة مقطعة رقيقة + ملح + إبزار + سكنجبير + كامون وتحميرة
نصف م ص زعتر + 100 غ جبن احمر محكوك + زيت + نصف علبة كبيرة شعرية صينية + شوية زيتون أخضر مقطع + الحار + شوية صلصة الطماطم تقريبا 4 م ك + عجين الرغايف العجين لي مفضل عندكم يكون فيه شوية خميرة الحلويات
+ زبدة مدوبة
ممكن إضافة شامبنيون و داند مدخن انا مكنش عندي

---

كندبل البصلة فشوية الزيت وفي مقلة اخرى نفرتت الكفتة مع شوية الزيت والملح حتى تطيب

غير تدبال البصلة نضيف عليها البطاطا والجزر محكوكين ونخليهم شوية يطيبو ثم نضيف القرع محكوك والتوابل ونغطيهم ونخليهم يطيبو
غير تطيب الخضر نضيفها على الكفتة ونضيف الزيتون والحار وصلصة الطماطم ونخلي النكهات تنساجم مع بعضها ثم نضيف الجبن محكوك
بعد ما نطيب الشعرية الصينية ونصفيها من الماء نقطعها بالمقص ونضيفها للحشوة وعيني ميزاني ماتجيش فالحشوة غير الشعرية
نخلي الحشوة تبرد مزيااااان هنا عندنا عجين الرغايف ممكن تعمل العجين المفضل عندك ومهم يكون فيه شوية الخميرة الحلويات
نطلق العجين ونعملو فوسط مقلة دايرة باش يجي الشكل مقاد وندهن مزيان بالزبدة مدوبة ونغطي بالعجين ونقلبها في صينية الفرن ونزيد نغطي بكرة عجين اخرى 
غادي نحتاج 4 كرات كيف باين فالصور وحدة من لتحت و 3 من لفوق يعني كنعمل وحدة فوق المقلة ونعمل الحشوة ونغطي بقطعة اخرى ونقلب فالصينية ونرجع نزيد 2 كرات لي بقاو نتمنى يكون الشرح واضح
خصها شوية الخاطر منين نكمل ندهن بالزبدة مزياااااااااان وهاد الشي لي كيخلي العجينة تتحمر وتجي مزيونة وما تخافوش من الزبدة حيت كتبقى فالصينية منين كتطيب
لبارح عاودت الوصفة باش نصور لكم الطريقة نتمنى تكون واضحة مزيان ملاحضة : إدا بغيتو العجينة منين تطيب تجي مقرمشة بزاف كأنها الورقة د بسطيلة طلقو العجينة رقييييقة بزاف وإدا بغيتوها تجي كيف فالصورة مترققوش العجين بزاف هادي لي عملت انا لبارح جات مقرمشة أكثر من المرة الأولى يعني لكم الإختيار
وبالصحة والراحة الحبيبات ديالي ورمضان متقبل ان شاء الله


مشاركة على فيسبوك مشاركة على تويتر