بسيطلات بالدجاج بنينة بالصور

فاطمة الفهرية

المواضيع: 894

جارة مديرة
المغرب

2015-02-07 02:32:06

مشاهدات: 8682

---

غادى نحتاجو
الدجاج انا تندير غير لفخد حيت رطب
الملح ابزار سكنجبير والقرفة عواد والزعفران والخرقوم والسمن والبصلة والمعدنوس مقطع وربع كاس الزيت

---

نوضعو المقادير كلها فالكوكوط ونخليوها تشحر مزيان


ونزيدو ليها كاس صغير الماء انا ايلا كنت مزروبة كنديرو  ويلاعندي الوقت ماكنديروش كيطيب الدجاج غير فالماء ديال البصلة
ونقفلو الكوكوط ويطيب اعلى عافية مهيلة
من بعد ماطاب كنحيد الدجاج و كنزيد العسل الحر ايلا ماعندكمش ديرو السكر
وخاليو كلشي احتا يتشحر مزيان

وكنفرتت الدجاج

وبعد ماتعسلت البصلة مزيان ابحال هاكا
كنرد الدجاج باش ينسجم امعا البصلة لكوكوط

ومن بعد نصفي الخليط انديروه فالكسكاس ونخليوه احتا يطلق كاع المرقة اللي بقات باش ماتفزكش لينا الورقة

دابا كندوزو اللوز بعدما تقشر وتقلى وقطعتو بالقطاعة ديال الربيع باش يبقا مهرمش كنزيد اعليه الزا زهر ومعلقة لعسل كيجي المداق رائع احسن من القرفة

انا درتهم بسيطلات صغار تقدرو تديروها كبيرة
تنديرهم فزلافة باش ايجيوني مقادين نفرش ورقة ونحط اللوز تم الحشوة ونجمعها ونقلبها ونزيد ليها ورقة اخرى من الفوق

ملاحضة ايلا كنتو غادي تديروها كبيرة وتطيب فنفس المول كندير الخليط هو الاول عاد نزيد اللوز باش مايتحرقش ليكم

ومن بعد ماطابت انحطها فوق الورق باش تنشف من الزيت والزبدة

ونقدمها مزينة بالعسل واللوز

نتنممنى تعجبكم الوصفة ، بالصحة و العافية و ما تنساوش تخليو رأيكم في الوصفة


مشاركة على فيسبوك مشاركة على تويتر