طريقة عمل الحريرة للمبتدئات بالمراحل

طريقة عمل الحريرة للمبتدئات بالمراحل


طريقة عمل الحريرة للمبتدئات بالمراحل

فاطمة الفهرية
المواضيع: 894

جارة مديرة
المغرب
2015-03-23 21:10:51

مشاهدات: 6350

المقادير :


العدس
الحمص
الشعرية رقيقة ( انا تندير قياس نص زلافة فيهم بثلاثة)
م ك كرافس
3 م ك قزبر و معدنوس
م ص سمن
م ك و نص مطيشة الحك
قطع اللحم الا توفروا
بصلة متوسطة مشلضة
3 مطيشات مقطعين و مسلوقين في قليل من الماء و مطحونين فملنكس
م ك زيت المائدة
ملح،ابزار،سكين جبير،خرقوم
ضامة البنة بقري


طريقة التحضير :


أنا تندير كوكوط ديال 3 لتر و كل وحدة غاديا دير قياسها حيت المهم هو الطريقة

المهم نوضعو البصل مشلض التوابل الكرافس قزبر و معدنوس،
م ك زيت، الحمص، 1 لتر من الماء طايب و نسدو كوكوط
و نخليوها تصفر لمدة 10 دقايق
في هاد الاثناء نسلقو العدس لمدة 6 دقايق في الماء حيت تيطلق الكحولة،
من بعد نحلو كوكوط و نديرو العدس،مطيشة،اللحم،
و نسدو كوكوط لمدة 10 دقايق،
نحلو كوكوط نزيدو الماء الا كان خاص
نديرو ضامة البنة و مطيشة الحك،
و باش تندورو الحريرة نسيت ما كتبتها في الاول سمحولي
( 2 كيسان ديال الما و 4 م ك فورص نعصرو عليهم شوية الحامض، انا تنصيبها قبل بنهار)
تندورو بيها الحريرة، مع التحراك بطريقة دائرية في جهة واحدة،
لازم تتبخ مزيان حتى ماتبقاش فيها الكشكوشة هاكا تنعرفوها طابت،
عاد تنضيفو الشعرية مين طيب نديرو م ص سمن و ندوقو الا كان لازم الملح نزيدو،
عاد نضيفو م ك قزبر و معدنوس، و بالصحة و الراحة.


هاد الطريقة طويلة شوية ولايني تستاهل ،

نتمنى تجربوها و تعجبكم، و ردوا عليا لخبار 


مشاركة على فيسبوك مشاركة على تويتر

أنت تستعملين الموقع كزائرة عادية فقط !
تسجلي الآن لتستفيدي من كل امكانيات الموقع

التسجيل الآن

تعليقات الزائرات :

طريقة عمل شوربة الخضار
تحضير شوربة البصل بالجبن
شوربة الخضار
حريرة رمضان سهلة
حساء البلبولة
شوربة الشعير بلحم البقر والفطر
شوربة الحريرة