طبق صيفي خفيف

ولاء76

المواضيع: 292

جارة مشرفة

2015-07-24 05:44:52

مشاهدات: 3416

المقادير :

طريقة التحضير :

خذي الدجاج شرملوه بملح+إبزار+سكنجبير + قزبر يابس+ ثومة محكوكة + قزبر ومعدنوس مقطع رقيق + عصير نصف حامضة + شوية تحميرة + خرقوم بلدي +3الملاعق كبيرة زيت بلدية نشرملو الدجاج ونخليو تقريبا واحد ساعتين فالثلاجة من بعد نفوروه مني يطيب ندهنوه بالزبدة ولاموطارد وندخلوه إتحمر

خذيت خضر مشكلة فورتها (خيزو+ كورجيط + لوبيا يمكن ديري أي خضر عندك فالثلاجة) مني كاطيب الخضر نديرو شوية الثومة وزبدة ومعدنوس+ملح+إبزار فالمقلة ونسوطيو فيها الخضر كل نوع بوحديتو مني نبغيو نطفيو على الخضر نضيفو ملعقة صغيرة عصير حامضكاندير هد الطريقة حتى البيض مصلوق كايجي بنين

من بعد قطعت بطاطا على شكل فريت و صلقتها لمدة 5 في ماء غليان مملح مع ملعقة خل من بعد صفيتها ودرت معاها شوية ملح +إبزار+شوية تحميرة+ملعقة زيت كبيرة ودرتها فلاطة مدهونة ودخلتها الفران تتحمر كاتجي بحال إلى مقلية

و بالصحة و الراحة