طريقة عمل كاسات التشيز كيك

فاطمة الفهرية

المواضيع: 894

جارة مديرة
المغرب

2015-02-21 16:32:00

مشاهدات: 4730

المقادير :

200 جرام بسكوت ساده (6 بواكي بسكوت ماري ابو نص جنيه ) انا وزنتهم 50 جرام زبدة سايحة ( معلقتين زبدة كبار من بتوع الاكل) معلقتين مربي فراوله نص كيلو فراوله 250 جم جلرام كريمة تشيز (علبتين جبنه كريمة دومتي) بشر ليمونه وعصير ليمونه 3 معالق سكر بودرة 2كيس كريم شانتيه دريم 30 جرام جيلاتين بودرة ( ممكن تجيبي ورقتين جيلاتين ب2 جنيه لو ملقتيش البودر 100 مل زبادي سادة (علبة زبادي عادية ) نص كيلو لبن 2 باكو جيلي فراوله 100 مل ماء دافي كوب ماء مثلج او لبن

طريقة التحضير :

اول حاجة هتحضري الكريم شانتيه عادي زي ما بتعمليه يعني الكيس عليه نص كوب ماء
مثلج او لبن مثلج وكل ما يبقي السائل متلج هينجح معاكي اكتر
وبعدين تجيبي البسكوت وتهرسيه كويس تخليه زي الرمل كده وتسيحي الزبدة وتحطيها عليه
وتقلبيها عليه كويس لحد ما يبقي زي الرمل المبلول كده
لو حابه تعمليه في فورمة افردي فيها البسكوت كله
تجيبي الكاسات وتكون ناشفة خالص وتحطي في كل كاس مقدار 3 معالق شاي من البسكوت
وتضغطي عليها كويس باي حاجة مبططة عندك عشان تبقي زي طبقة بسكوت كده
وبعدين تفردي ع البسكوت معلقة مربي فراوله وتقطعي عليها فراولة حتت صغيرة لو مش حابة المربي
بلاش وتقطعي فراولة انصاص وتحطيها علي جناب الكاس زي كده
نيجي بقا للكريمة
في طبق منفصل نح الكريم تشيز ومعاه كوباية الزبادي والسكر البودرة ونزود نص كيلو لبن
وعصير الليمون وبشر الليمون ونسيح الجيلاتين في مايه دافية ونقلبه بسرعه ونحطصفيه فوق
الخليط بالمصفاه
زي كده
ونضربهم بالمضرب السلك عادي لحد ما يدوبو في بعض
وبعدين نضيف ليهم الكريم شانتيه ونقلبهم في بعض كويس
وبفنجان نصب فوق البسكوت لحد نص الكاس
وبعدين سيبه في التلاجة ممكن 3 ساعت او علي حسب ما تطلعيه تلاقيه مسك في بعضه
ونجهز الجيلي كل كيس تحطيله كوب ونص ماء مغلي وتدوبيهم كويس وتسيبيه يبرد
ولما الكريمة تجمسك تحطي فوقها الجيلي بالمعلقة وتدخليه التلاجة تاني عشان الجيلي يمسك
وتطلعيه تزينيه زي ما انتي عاوزة وبالهنا والشفا