حلوة مايزينا سهلة واقتصادية وغزالة بالصور

فاطمة الفهرية

المواضيع: 894

جارة مديرة
المغرب

2015-09-01 16:35:08

مشاهدات: 4304

المقادير :

250 غ زبدة بحرارة المطبخ 125 غ سكر جلاصي 200 غ مايزينا ( النشا ) 3 بيضات خميرة الحلوى ( نصيحة استعملو خميرة الزا حمرا انا عملت لبيضة وتنفخت الحلوى بزاف ) فاني طحين حسب الخليط للتزيين سكر كلاصي شكلاط كويغطات

طريقة التحضير :

كنطربو الزبدة والبيض والسكر مزيان و نضيفو مايزينا ( النشا ) ونخلطو مزيان
نضيفو الطحين شوية بشوية حتى نحصلو على عجينة رخوة مكتلصقش
نطلقوها بالمدلك ونعملو دوائر ونصفوها في طاوة الفرن كيف واضح في الصورة
ندخلوها لفران طيب ومنخليوهاش تتحمر فالفران غير طيب بلا متحمر ملي نخرجوها نرشو عليها السكر كلاصي بالصفاي ونزوقوها بالشكلاط ونعملوها فكويغطات وهاهي حلوة مايزينا سهلة واقتصادية وغزالة واجدة
بالصحة والراحة