تشيز كيك صغيورين

فاطمة الفهرية

المواضيع: 894

جارة مديرة
المغرب

2015-04-06 04:46:48

مشاهدات: 5628

المقادير :

مقادير الطبقة الأولي:

150 غ بسكويت مطحون
1معلقة ديال سكر
4 معالق زبدة مدوبة

مقادير الطبقة التانية:

2 بكيات ديال فرماج كيري
100غ سكر
شوية ملح
2بيضات
1الفاني
1 دانون ديال بيرلي
نصف معلقة ديال قشور حامض
وغنحتاج لواحد طاوا ديال لكاب كيك او مادلين ونديروا فيها كويغطات ديال لمادلين

طريقة التحضير :

ناخد زلافة كبير ة نديروا فيها البسكويت المطحون نزيد عليه السكر تم الزبدة
ونحرك مزيان حتي يتخلط الخليط
نجيب طوي ديالنا نحاول الطبقة الأولي في كويغطات ونقدوها مزيان فيها
نخليو طوي ديالنا ونصيب الطبقة التانية
نخدم فرماج كيري بالطراب مزيان نزيد السكر وملح ونطرب ونزيد البيض
ونبقي مستمره وكنطرب ونزيدوا الفاني وقشور الحمض بش ننسموها
ونزيدوا فالأخير بيرلي ديالنا ملي يتخلط المزيج مزيان
نديره فوق من الطبقة ديالنا الأولي ديال البسكوي
وندخله للفرن علي درجة الحرارة متوسطة لمدة 18 دقيقة منفوتوها
ملي نخرجها تخليها تبرد واحد شوية علي برا وندخلها لتلاجة
من الأحسن ليكم تخليوها حتي الصباح وتزوقوها بالكونفتير
او تزويقها بخيوط الشكلاط وفوق منها فريز اولا توت
وهاهوما تشيز كيك صغيورين وبالصحة ورالراحة نتمني تجربوها