حلوة الليمون والكوك ميرانغ

ولاء76

المواضيع: 292

جارة مشرفة

2015-05-10 21:43:47

مشاهدات: 4656

المقادير :

عجينة الحلوى الطبقة الاولى
4 اصفر البيض و الابيض نخدمو بيه الميرانغ
2 كيسان د الزيت
1 كاس و نصف د سنيدة
2 خمارات
برتقالة محكوكة ومعصرة
الدقيق حسب الخليط
1 قرعة كونفتير دالمشماش دليسيا
الكوك ميرانغ الطبقة الثانية
4 ابيض البيض
2كيسان سنيدة
2 فاني
300غرام دالكوك
قبصة ملح

طريقة التحضير :

نخدمو اصفر البيض مع سنيدة وزيدو الزيت وقشور البرتقال والعصير ديالو وفي الاخير الدقيق والخمارات حتى نحصلو على عجينة قاصحة بعض الشيء وندهنو يدينا بالزيت ونطلقو العجينة فوق لاطة الفرن بحال الا تنكرصوها حتى تقبط مساحة اللاطة (( ملاحظة اللاطة خصها تكون مربعة او دائرية الشكل اللي تاتكون فالفران الكهربائي))نخويو القرعة د الكونفتير فوق العجينة و نسرحوها ومن بعد ندوزو لميرانغ نطربو ابيض البيض بالطراب الكهربائي مع قبصة ملح وفاني والسكر منين يطلع نزيدو ليه الكوك بملعقة خشبية ونحركو بشوية من الفوق لتحت باش مينزلش الميرانغ ونضيفوه فوق الكونفتير ونسرحوه مزيان حتى يتقاد وندخلوه للفران مسخن على درجة متوسطةمنين يطيب نحمرو الوجه شوية ونخرجوها تبرد من بعد نقطعوها طيفات بحال حجم البقلاوة ونديروهم فقويعطات الحلوى وبالصحة . نتمنى تعجبكم