طاجين كفتة السردين بالبصل
.png "جارة موثوقة")
المقادير :
خيزو و بطاطا الا بغيتو دروهم ولا مابغتوش بلاش
فلفلة رومية لتزيين و وحدة مشلضة للنصيب مع البصلة
زيتون و الحامض
ملح -كمون – تحميرة – خركوم – سكنجبير – ورقة الرند
زيت البلدية ورومية
و الصلصة لي كتحتاوي على مطيشة محكوكة – العطرية -
ربيع – و ثومة و مطيشة الحك
طريقة التحضير :
كنديرو زيت البلدية و الرومية اسخنو و نرميو البصلة و الفلفلة
غير شوية ما نشحرهمش بزاف حيت هما لي غادي اهزو لحراق
على الطاجين وغادي يتعلكو مع طياب
نرميو فوقها الصلصة نكونو عاد وجدناها بقيا سخونة
باش دغيا يغلا الطاجين
نرميو خيزو هو الاول لانه كيبغي طياب
عاد لبطاطا
نغطيو طوجين ديالنا و نمشيو نكورو الكفتة
نكوروها كويرات صغار بعد ما خلطناها مع
البصلة و ربيع و العطرية
الخضرة طبخات شوية
نستفو كفتة السردين في الطاجين باش طيب
نزينو بلي بغينا يا فلفلة خضرة ولا مشوية ولا مقلية
و نزيدو الزيتون و الحامض
و نسدو عليه ونقصو العافية تكون مهيلة و نحضيو معاه
منين يغلا نهزو لغلاقة بممعلقة باش مايفيضش
اهاهو وجد
بالصحة و الراحة
مشاركة على فيسبوك مشاركة على تويتر
أنت تستعملين الموقع كزائرة عادية فقط !
تسجلي الآن لتستفيدي من كل امكانيات الموقع
التسجيل الآن
تعليقات الزائرات :
بسطيلة بالسمك و الخضر
طوجين د الحوت بالبطاطا سهل سريع وأكيد لذيذ
بريوات بالدجاج روعة
اللحم بالبرقوق والمشماش والكركاع
طريقة عمل دجاج مشوي بالبرغل.. بسعرات حرارية أقل
سردين بالروز (بريستيج)في المول العجيب
مقادير البسطيلة بالدجاج والشعرية الصينية
