طريقة تحضير مطيشة الحك او الطماطم المصبرة

أم عضي

المواضيع: 623

جارة مديرة

2015-05-03 20:05:54

مشاهدات: 14801

طريقة اقتصادية وبسيطة لتحضير ماطيشة مركزة وصحية فنفس الوقت
و يكون مداقها ولونها احسن من ماطيشة الحك
الطريقة بسيطة كل مرة ملي تستعملي ماطيشة فالطياب أو فشلاضة
خدي القشرة واحتفظي بيها فالفريكو حتى تجمعي واحد الكمية كثيرة
ودريها فوق عافية مهيييييلة مع شوية الملحة والزيت والتحميرة وخليها
تطبخ واحد 20 د وراها كاتطلق الما يعني بلا ماضيفيلها حتى قطرة
ملي تبرد شوية طحنيها فمولينكس وصفيها وهاهي واجدة وراها كاتنفع
بزااف خصوصا مع المعجنات كاتعطي لون حمر زوين و يمكن ليك تنسميها
بالزعتر او اوراق موسى اطيبو مع القشور و طحنيهم معاها
بالنسبة لطريقة حفضها كاين زوج طرق 1 ديريها فقريعات ديال الزاج
وسديهم مزيان ودريهم فكوكوت فيها الماء وسدي عليهم ربع ساعة
وهاهوما موجودين الطريقة الثانية وهي كتاخدي مطيشة من بعد
ماوجدات وديريها فالمول ديال مكعبات ديال الثلج ودخليها للفريكو حتى
يقصاحو ودريهم فبلاستيك و واحتفضي بيهم فالفريكو وقتاش مابغيتي
ماطيشة خدي منها القياس لي بغتي
و هكا كنحصلو على مطيشة مصبرة و بطريقة صحية و بدون مواد حافظة
بالمناسبة باش يجيوكم القتيبات ديال اللحم محمرين و بنان كنضيفو
لهم واحد المعلقة كبيرة مطيشة المعلبة سواء المنزلية أو الجاهزة حسب
المتوفر
جربوها و تفكروني
تحياتي

4 جارات معجبات بهذا المنشور معجبة بهذا المووضع