المروزية باللوز من شهيوات عيد الاضحى

فاطمة الفهرية

المواضيع: 894

جارة مديرة
المغرب

2014-12-21 08:13:58

مشاهدات: 5786

---

اللحم من الاحسن يكون من الرقبه او السنسول (انا استعملتهم بجوج)
بصله متوسطه
3 ضروس ثومه محكوكين رقيق
معلقه كبيرة مروزيه
معلقه صغيرة زعفران حر
خرقوم بلدي
4 معالق كبار زيت
معلقه كبيرة زبده
معلقه صغيرة سمن
4 معالق كبار عسل
ملح
4 معالق كبار سنيده
250 جرام زبيب
100 جرام لوز مقلي
معلقه صغيرة قرفه

---

نخلطو السمن + الثومه + المروزيه + الزعفران + الخرقوم + السمن + الملح

وندهنو بيهم اللحم مزيااان ونغطيوه و نخليوه ليلة كامله فالتلاجه

فالصباح نشلضو البصله رقيق و نديروها فالكوكوط و نضيفو عليها الزبده و الزيت

ونخليوها حتى تنزل

عاد نضيفو ليها اللحم مع المقدار ديال الماء اللي عايطيب فيه

ونسد عليه حتى نحس بيه طاب

من بعد نضيف عليه الزبيب اللي رقدتو قبل بشي ساعه فالما دافي

ونخليه يطيب شي ربع ساعه تقريبا

من بعد نضيف ليهم العسل و السكر و القرفه ونخليهم يتعسلو مزيااان و المرق يولي خاتر

وهاهي المروزية من شهيوات عيد الاضحى جاهزة

نزلوها في الطبق ونزوقوها باللوز

بالصحة و الراحة

و شكرا للاخت الهام ام سعد جزاه الله خيرا

مشاركة على فيسبوك مشاركة على تويتر