375 غرام سنيدة
375 غرام دقيق
معلقة صغيرة مركز الفانيلا سائل
3 ارباع القشدة الطرية
3 معالق كبار زيت
فيريرو روشي المذاق لي حبيتي
2 بيضات
معلقة ونصف بيكربونات الصودا
معلقة و نصف خميرة الحلوة
معلقة و نصف صغيرة ملح
3 ارباع ماء دافئ
190 غرام كاكاو
باش نوجدو فيريرو روشي كب كيك فالاول كنخلطو السنيدة و الدقيق و بيكربونات الصودا و الخميرة و الملح والكاكاو ملي تخلط العناصر كاملة مزيان كنزيدو البيض و الفانيلا والزيت الما و القشدة الطرية ملي كيولي عندنا عجين متجانس نجيبو الكويغطات دياولنا ونستفوهم في مول كناخدو معلقة من العجين نكبوهاونحوطو شكلاط فيريرو روشي الوسط ونكوبو مرو اخرى معلقة اخرى من العجين او نصفها فقط باش يتغاطا الشكلاط وندخلوها لفران سخون مزيان وندخلوها طيب لمدة 20 دقيقة بحال هاكا كملنا المرحلة الاولى من توجاد لفيريرو روشي كب كيك و نبداو فمرحلة التزيين: كنمعسو الزبدة من الاحسن بطراب كهربائي حتى كتولي رطبة وكنزيدو عليها السكر الصقيل ونخلطو بالطراب ملي يتخلطو مزيان كنزيدو عليهم الشكلاط و الفانيلا و نخلطو مزيان و نزيدو القشدة الطرية بشوية بشوية حتى كيولي عندنا خليط متجانس و خفيف نكونو جبدنا كب كيك من الفران وخليناها تبرد هاد الخليط لي وجدنا كنديروه في جيب الحلواني وكنديرو بيه دائرة فوق الكب كيك وكندوزوه فوق البندق مهرمش وكنكملو الشكل ديال الزواقة ديالنا وكنديرو شوية الشكلاط nutella فجيب الحلواني وكنديرو خطوط من الفوق ونحوطو شكلاطة فالاعلى وهاكا احنا وجدنا فيريرو روشي كب كيك بالصحة و الراحة جارتي كنتمى تجربيها