كلاص بالبنان والمشمش المجفف رائع جدا ومداق مغاير

ولاء76

المواضيع: 292

جارة مشرفة

2015-08-10 21:02:43

مشاهدات: 4275

---

4 لبانانات كبار بزاف ول 6 متوسطين باش تجيكم لكمية كثيرة شوية

-2 دانون حسب الرغبة أنا ستعملت فيلوتي بالفواكه عطاني لون سومو للكلاص الى درتو فاني غادي يكون لون لكلاص أبيض وهكدا…

- 8 مشماشات يابسين مغسولين ومقطعين أطراف صغار

- 2 ساشي فاني

-2 فرماجات كيري أو أي نوع وممكن ديري 2 معالق كبارمن لفورماج سائل

-6 أو 7 معالق كبار سكر كلاصي حسب دوقك

---

الطريقة

كنقطعو لبانان دوائر ونطحنوه مزيان ثم نضيفو ليه لمشماش مقطع طراف صغار ونطحنوه مزيان ثم نضيفو دانون ولفورماح ونطحنو مزيان ثم نضيفو سكر كلاصي مع فاني ونطحنو كلشي مزيان ونديروهم في بواطا وندخلوهم للمجمد ساعة ونخرجوه ونعاودو نطحنوه غير شوية باش نهرسو ثلج وردوه ساعة أخرى ونخرجوه ونطحنوه شوية صافي ونزيدو عليه أما لوز مهروش أو شوكولا محكوك في لحاكة لغليضة أو أي حاجة بغيتو أنا درت 2 معالق من حبيبات الشوكلاط عطاو منظر زوين وردوه للمجمد ليلة كاملة أو ممكن ملي تزيدو لوز أو شوكلاط في هديك لحضة كيكون خاتر بزاف وبارد ممكن ديروه في كؤوس تقديم وتزينوه بلكاراميل أو أي كريمة عندكم وتقدموه كديسير بارد نخليكم مع الصور.






هنا غادي ندخلو للمجمد لاول مرة

هنا خرجتو من بعد ساعة

هنا خرجتو لثاني مرة وطحنتوغير شوية صافي

وهنا درت حبيبات شوكولا ممكن تنوعو نتوما

هنا ممكن ديروه في كؤوس تقديم وتزينوه بأي كريم بغيتو وتقدموه كديسير الى كنتو مزروبين

هاد جوج تصيورات تاع ليوم ملي قدمتو في لغدا كديسير



كنتمنا يعجبكم وتجربوه


مشاركة على فيسبوك مشاركة على تويتر