شهيوات رمضان: بريوات باللوز

أم عضي

المواضيع: 623

جارة مديرة

2015-06-22 05:54:02

مشاهدات: 4563

المقادير :

طريقة التحضير :

1 كيلو ديال اللوز تصلقيه وتقشريه وتخليه ينشف مزيان من الما

كتاخذي منو 300 غ كتقليها تقسميها على 2

يعني 150غ كطحنيه وتخليه مهرمش رقيق

و150غ الباقية كطحنيها مع 100غ سكر كلاصي ومعلقة صغيرة زيت حتا كتعلك وتولي بحال براليني

واللوز الباقي يعني لي مصلوق كطحنيه وكتعاودي طحنيه مع 300غ سنيدة

كتزيدي داك اللوز وتخلطيه مع2 معالق كبار أو معلقة كبيرة زبدة مذوبة حسب اللوز

وتنسميه بما زهر أو أي نسمة والمسكة الحرة ايلا بغيتيها وصفر بيضة أو بيصة صغيرة
تعملي كويرات صغار وتشكلي بريوات كلشي كنضن كيعرف الطريقة تقليهم تغطسيهم فالعسل منسم بما زهر

والتزيين كنغطس رؤوس البريوات فالعسل ثم فاللوز مقلي ومهرمش

وبالصحة والراحة تيجيو هائلين