اسرار الشباكية المكناسية

ولاء76

المواضيع: 292

جارة مشرفة

2015-05-08 17:03:08

مشاهدات: 16164

---

2 كيلو دقيق ناعم+زلافة زنجلان مطحون ممحمرش +زلافة لوز او كاوكاو ممحمرش و مطحون جيدا ومغربلين باش ميقطعوش العجينة فالتوراق و ممحمرينش حيت الا حمرناهم فالقليان عيوليو محروقين ويطلقو المرورة +راس معلقة مسكة حرة حيت الا كترتي تتقصح الشباكية منين تتقلى هذا سر رقم 1
2معالق كبار نافع+معلقة من القرفة+2كيسان زبدة دايبة+زعفران او ملون اصفر + 2 خمارات حلوة وماديروش خميرة معجونة حيت غادي تخمر وتجي غليظة ومدقصة+كاس زيت المائدة+كاس زيت الزيتون + 2 كيسان ماء الزهر+2 اصغر البيض حيت الابيض تيدير الكشكوشة فالقليان+ربع كاس خل+قبيصة ملح و شوية الماء بارد باش ميمشيش مفعول الخمارات ونجمعو العجين متكونش خفيفة ونتمنى تعجبكوم

---

الدقيق نبييتوه مبسبس بالزبدة والزيت والغدليه نزيدولو المقادر الاخرى واما التتمة را معوفة بالنسبة للقليان تسخنو الزيت مزيان ومنين تبغيو تبداو القليان نقصو م العافية باش طيب على خاطرها ومتجيش خضرة من الوسطجربوها معتندموش وبالصحة والراحة


مشاركة على فيسبوك مشاركة على تويتر