طارط بالشكلاط

Najlae

المواضيع: 262

جارة موثوقة
maroc

2015-04-12 23:35:29

مشاهدات: 3437

المقادير :

رابعة الدقيق + م ك بودرة الكاكاو + مغربلين وندير حفرة الوسط + م ص الخل + 2 م ك زيت + نص م ص خمارة + 100 غ زبدة مدوبة او مرخوفة + 2 فرماجات + 3 م ك سنيدة + شوية الحليب تقريبا 2 م ك
2 اصفر بيض + 2 م ك النشا + 2 فرماجات ممعوسين + م ك بودرة الكاكاو + 2 م ك السنيدة + روح الشكلاط اختياري
100 غ شكلاط 2 ياغورت شكلا طا

طريقة التحضير :

العجين : رابعة الدقيق + م ك بودرة الكاكاو + مغربلين وندير حفرة الوسط + م ص الخل + 2 م ك زيت + نص م ص خمارة + 100 غ زبدة مدوبة او مرخوفة + 2 فرماجات + 3 م ك سنيدة + شوية الحليب تقريبا 2 م ك باش نجمع واو اكثر
نجمع العجين بلا دلك على شكل كورة ونديرو وسط ميكة ونخليه يرتاح 10 دقايق
نطلقو بين 2 ميكات ونلبس لي مول ديال لي طارط ونتقبها وندخلها المجمد 10 دقايق ومن بعد مباشرة للفران سخون شوية طيب تقريبا 10 دقايق
الحشوة : في بانيو صغير ندير 2 اصفر بيض + 2 م ك النشا + 2 فرماجات ممعوسين + م ك بودرة الكاكاو + 2 م ك السنيدة + روح الشكلاط اختياري ونطرب بالطراب اليدوي او الفورشيط حتى ينسجم + نص ايطرو الحليب مغلي مسبقا نضيفو شوية بشوية وانا كنطرب بالطراب الكهربائي ونرجعو للكاصرول فوق النار ونحرك بملعقة عود ونخليه حتى يختر تقريبا 5 دقايق ونطفي النار ونخليه يبرد ونضيف ليه 100 غ شكلاط مدوب مسبقا في حمام مريم +2 ياغورت شكلا ط ونطرب مزيااان ونخليها ترخف 2 دقايق تقريبا ونخويه فوق العجين باش يتجمد فوق منو
ممكن اضافة اللوز مصلوق ومنقي ومحمر ومهروش او الكركاع مهروش اختياري وندخلها تبرد للثلاجة نص ساعة ونزوقها بخطوط الشكلاط ابيض او بنص كركاعة