كريب بالكفتة والفرماج فالفران وصفة اكثر من رائعة

كريب بالكفتة والفرماج فالفران وصفة اكثر من رائعة


كريب بالكفتة والفرماج فالفران وصفة اكثر من رائعة

فاطمة الفهرية
المواضيع: 894

جارة مديرة
المغرب
2015-02-15 23:21:37

مشاهدات: 4069

المقادير :


مقادير الكريب :
80 غرام دقيق
2 بيضات
ربع لتر حليب
معلقة زبدة دايبة
الملح
الابزار
زبدة
سنيدة
مقادير الحشوة :
كفتة
بصلة مشلضة
معدنوس
فص ثوم
صوص ديال مطيشة
ملح
ابزار
تحميرة
زيت
الفرماج


طريقة التحضير :


نبداو بتوجاد الكريب فالخلاط نديرو الدقيق و البيض
و الحليب و الزبدة دايبة و شوية الملح و الابزار ونطحنو
مزيان  

ملي نبدا نطيبو فيه ندوبو شوية الزبدة ونزيدو عليها
شوية السنيدة ونخلطو ندوب سنيدة فالزبدة وناخدو قطنة
ونديروها فهاد الخليط وندهنو بيها المقلة ديالنا ونكوبو مغرفة
ديال العجينة و نطيبوها تنكملو الكمية كاملة ديال العجينة

وندوزو نصيبو الحشوة ديال كريب بالكفتة والفرماج
كنشحرة البصلة فالزيت من الاحسن يكون زيت الزيتون ملي
ترخا نزيدو عليها الثومة و المعدنوس و ابزار التحميرة و الملح

 
ونزيدو الكفتة ونطيبوها مزيان

من بعد ندوزو المرحلة ما قبل الاخيرة كناخدو كرصة من الكريب
ونديرو فوقها الكفتة لي وجدنا
 
ونجيبو كرصة اخرى ونديرها فوق الاولى و نديرو فوقها الحشوة
 
و نلويوها انا قطعتها تقدري تخليها كفما هيا ونستفوهم فالطبسيل
لي غادي يدخل للفران


ونكوبو فوقهم صوص ديال مطيشة
 
ونحوكو فوقهم الفرماج
 
وتقدري ديري جارتي حتى الفرماج ديال السندويش او فرماج مثلثات
حتى هوما كيجيو جميلين وندخلوهوم الفران غير يدوب الفرماج و
نخرجوه
وهاهوا كريب بالكفتة والفرماج بالصحة و الراحة 



مشاركة على فيسبوك مشاركة على تويتر

أنت تستعملين الموقع كزائرة عادية فقط !
تسجلي الآن لتستفيدي من كل امكانيات الموقع

التسجيل الآن

تعليقات الزائرات :

بيتزات صغار بالطون عجينة 10 دقائق
كريصات معمرين بالدجاج والجبن
تحضير شاورما الدجاج في البيت
شفلور مصلوق
طريقة تحضير بيتزا بالخضار والفلفل الحار
طريقة عمل أوملت البيض مع جبنة البارميزان
تورتيلاّ مع السبانخ وجبنة الماعز