غريبة ساهلة

Najlae

المواضيع: 262

جارة موثوقة
maroc

2015-04-29 05:09:32

مشاهدات: 5543

المقادير :

رابعة زبدة + رابعة سنيدة رقيقة + كاس عنبة زيت + 2 بيضات + قبصة ملح+ كاس عنبة اللوز بالقشرة محمر ومهروش رقيق + الدقيق + خمارة ونص +بياض ابيض الكاوكاو منقي ومهروش او اللوز مهروش
الكونفتير : نص قرعة + 2 م ك سنيدة

طريقة التحضير :

رابعة زبدة أي نوع مرخوفة مزياان + رابعة سنيدة رقيقة ونخدمها مزيان + كاس عنبة زيت + 2 بيضات + قبصة ملح ونخدمو مزيااان + كاس عنبة اللوز بالقشرة محمر ومهروش رقيق بزااااف ونجمع الخليط ونضيف الدقيق شوية بشوية + خمارة ونص تقريبا 2 زلايف او 3 حسب الخليط نجمعها كورة ونديرها كويرات صغار ووسط منها حفرة
نطرب بياض ابيض وندهن الوجه وندوزو في الكاوكاو منقي ومهروش او اللوز مهروش
ونضيف الكونفتير لوسط من بعد ما طيب او نصف حب الملوك معسل قبل ما طيب
الكونفتير : نص قرعة + 2 م ك سنيدة + م ك الما في كاصروا فوق النار حتى يغلى ويتقال وعاد ندهن بيه