البقلاوة التركية
.png "جارة موثوقة")
المقادير :
200غ ورقة من الأحسن تكون ديك اللي رقيقة
100غ كركاع مطحون
100 غ لوز
3/4 كاس عنبة زبدة
مقادير القطر بش نسقيوها
2 كيسان عنبة سكر
كاس عنبة ديال الماء
معلقة ديال صغير عصير حامضة
طريقة التحضير :
نوجدو القطر هو الاول بش يبرد لينا كنديرو سكر مع الماء فكسرونة فوق النار ونحركه حتي يدوب السكر
ونخليوه حتي يغلي من بعد نضيف عصير حامضة ونقصو ليه ونخليوه شي 10 دقائق ونحيدوه يبرد
ومن بعد نوجدو البقلاوة ديالنا
نجيب الورقة ديالي نحاول نقادها علي العبار ديال الطاوا اللي غنطيبها فيها ندهن الطاوى ديالي مزيان بالزبدة
من بعد نحط الورقة تقريبا 5 ديال ندهنهوم مزيان بالزبدة الورقات ونحط اللوز والكركاع
ويلا بغيتها تكون معلكة ندردر السكر ونحط عليه 5 ورقات خرين من فوق الكركاع واللوز ديالي
وندهن مزيان الورقات ديالي بزبدة مزيان هي راه كتبغي الزبدة مزيان
ومن بعد كنقطعها شكل معينات او مربعات ونخليوها واحد نصف ساعة عاد نسخن الفران
وندخلها الفران لمدة 20 دقيقة حتي تحمر ونخرجها ونكب عليها القطر ديالنا وبالصحة والراحة
بالاضافة إلى أنه اللوز والركاكاع ميكونو مطحونين مزيان
وتقدرو تزوقها من جنب بالبيستاج مطحون ملي طيب وبالنسبة للقطر نقدر نسموه بماء الزهر
مشاركة على فيسبوك مشاركة على تويتر
أنت تستعملين الموقع كزائرة عادية فقط !
تسجلي الآن لتستفيدي من كل امكانيات الموقع
التسجيل الآن
تعليقات الزائرات :
حلوة ساهلة بالفرماج
كاب كيك سهل وشهي للاطفال
طريقة تحضير السينابون بالكراميل
الشباكية هشيشة
حلوة المكينة سهلة جدا واقتصادية
بيسكوي بالشكلاط والكارميل
حلويات مغربية بالزنجلان والكاوكاو
