فقاص الشمال

Fatima Zohra Fati

المواضيع: 4

جارة جديدة

2015-04-18 22:07:22

مشاهدات: 6260

---

المقادير :

كيلو د الطحين من النوع الممتاز
50 غ خميرة د الخبز معجونة
قبصة ملح
رابعة سكر سنيدة
125 غ زبدة
2 معالق كبار سمن حار
ملعقة صغيرة مسكة حرة مدقوقة
3 معالق كبار حبة حلاوة
3معالق كبار زنجلان
كاس صغير ماء الوهر
ماء دافي باش نعجنو

---

الطريقة :





كنعملو شوية د الماء دافي ف زلافة مع شوية د السكر و الخميرة ونخليوهم

جانبا باش تطلع الخميرة . نعملو الطحين ف قصعة ونخفرو حفرة ف الوسط نعملو

فيها السكر و الملحة و المسكة والزبدة مذوبة مع السمن وحبة حلاوة والزنجلان

وماء الزهر و الخميرة ونخلطو كلشي . كنعجنو بالماء دافي ، العجينة كتكون

قاصحة اقصح من العجينة د الخبز ، كندلكوها مزيان حتى تطوع ف يدينا وتبقى

تطرطق ، نعملوها فوق طابلة ونشكلوها بحال حرابل ديال الفقاص يكونو غلاظ

ونعبرو جوج او تلاتة د الصبعين ونقطعو حسب الحجم اللي بغينا ، كنعملو هاد

الطريقة باش الفقاص كيجي مقادد ، من بعد كنخليو الفقاص يرتاح تقريبا 20

دقيقة ، ثم نكرصوه فوق طابلة ونحطوه فوق منديل ونخليواه يخمر مزيان من 3

الى 4 د السوايع ، ضروري يخمر مزيان باش كيطلع ، مللي نبغيو نطيبوه كنعملو ف

كل فقيقصة تلاتة د التقيباتبالفنيتة وندخلوهوم ن الفران يطيب على نار

مهيلة مللي نشوفوهم تحمرو شوية نخرجوهوم وبالصحة و الراحة .





واحنا ف شهر رمضان المعظم ، يمكن لنا الاعتماد على هاد الفقاص ف السحور ندهنوه بشي حاجة بغيناها ونقدموه مع شاي او قهوة او حليب .

مشاركة على فيسبوك مشاركة على تويتر