طورطة باللوز

Najlae

المواضيع: 262

جارة موثوقة
maroc

2015-07-13 04:03:13

مشاهدات: 3482

---

;

---

العجين : 200 غ دقيق + 50 غ بودرة اللوز او 200غ بودرة الكاوكاو مع نقطة من روح اللوز + نقطة من ما زهر او فاني + اصفر بيضة + 100 غ زبدة + 2 م ك زيت + م ك بودرة الحليب او 2 م ك حليب سائل + 3 م ك سنيدة + م ك مايزينا او م ك فورص ونجمعها بالاصابع وممكن اضافة م ك او 2 ديال الما بارد ايلا احتاجينا ونخليها في الثلاجة 10 او 15 دقيقة في الثلاجة حتى تبرد 
نخرجها و نطلقها فوق الطحين و نديرها في اللاطة او من الاحسن في مولات صغار ونتقبها وندخلها المجمد 5 دقايق
الحشوة : 2 بيضات مطربين + 200 غ بودرة اللوز او بودرة الكاوكاو + م ك النشا او الفورص + 3 م ك سنيدة + م ك كونفتير خفيف + خمارة + فاني ونطرب الخليط + م ص زبدة مرخوفة او مدوبة + م ك زيت + 2 م ك حليب سائل عادي ونطرب بالطراب اليدوي ونضيفو فوق العجين من بعد ما نخرجو من المجمد وندخلها الفران 10 دقايق حتى تشد في راسها ونخردها نضيف عليها اللوز ايفيلي او الكاوكاو ايفيلي من الفوق ونرجعها الفران حتى تحمر ومللي نخرجها ندهن الوجه ديالها بالناباج او الكونفتير


مشاركة على فيسبوك مشاركة على تويتر