حوتة بفواكه البحر و الفرماج

Najlae

المواضيع: 262

جارة موثوقة
maroc

2015-07-05 08:35:52

مشاهدات: 3710

---

;

---

الحشوة : بصلة صغيرة مشلظة رقيقة مشحرة مع زبدة وورقة موسى و 1 ثوم ومللي تدبل نضيف الكلمار بلا ما يتصلق يكون غير مقطع مربعات + شومبينيون ونشحر شوية + هبة الحوت مبخر و محيد ليه القشرة + الكروفيط في نفس الوقت على نار عالية + الربيع + زعتر محكوك + ملح + ابزار + م ص عصير حامض ونشحر دقيقة ونضيف علبة من القشدة الطرية تقريبا 200 غ دائما على نار عالية جدا ونحرك حتى تنشف و تعقاد 
ملاحظة : م ص المايزينا نخلطها مزيااان مع العلبة ديال لاكريم فريش قبل ما نضيفها باش ما طلقش الما
غير كنطفي البوطة نضيف 6 فرماج + 100 غ فرماج احمر ونحرك حتى يجوب ونخليها تبرد على راحتها
الحوتة نحلها من الظهر ونقيها كاملة من الشوك ونحيد ليها السنسول كاملة وكنرش عليه الملح و الابزار و شوية الزعتر و زيت العود ونعمر بالحشوة ونسدها او نخيطها وندهنها بشوية الزبدة و نرش الملح ونحطها فوق ورق الطهي وندخلها الفران بارد غير من لتحت 20 دقيقة ونشعل الفوق من الفوق و لتحت ونخليها 10 دقايق اخرى
الصلصة اللي ندير فوق الحوتة : ناخد اما الشومبينيون او الكروفيط نشحرو مع م زبدة وملح و ابزار + لاكريم فريش تقرييبا نص ايطرو يعني 2 علب ونخليها تعقاد ومللي نحيدها من النار نضيف عليها شوية الفرماج محكوك و تخرج الحوتة نحيد ليها القشرة والخيط و نخويه عليها.



مشاركة على فيسبوك مشاركة على تويتر