الأرز بالدجاج

الأرز بالدجاج


الأرز بالدجاج

AMAL
المواضيع: 3

جارة جديدة
MAROC
2015-05-11 03:23:24

مشاهدات: 8857

المقادير :


+افخاد الدجاج او صدور حسب الرغبة
+ الأرز
+بصلة مشنفة
+ لوز مقلي
+ شوية زبيب مقلي
+ بطاطا مقطعة مكعبات صغييييرة و مقلية
+ جزر مكعبات صغيرة
+ جلبانة مصلوقين
+ شعرية رقييييقة
+التوابــــــــل : ثوم + كمون + كركم + خرقوم ملون أصفر + هيل مطحون + قرنفل مطحون + قرفة + بزار + 3 ضويمات الزعفران + ملح


طريقة التحضير :


فطنجرة كتحمري بصلة مشنفة و تزيدي عليها ليقامة ثوم + كمون +

كركم + خرقوم ملون أصفر + هيل مطحون + قرنفل مطحون + قرفة + بزار + 3 ضويمات

الزعفران + ملح 



تخلطي كلشي و تزيدي الدجاج و تقلبيه شوية فليقامة و البصلة من الجيهتين و كتزيدي

عليهم الماء سخون يكون شوية كثير باش تبقى عندنا مرقة كافية فاش نطيبو الروز من

بعد ... أنا درت هادالشي فكوكوط نص ساعة و طاب الدجاج صفيتو من المرقة و

دخلتو للفران يتحمر غير شوية و المرقة حتى هي صفيتها من التخا ديال البصلة و

ليقامة و درت القياس اللي يكفيني لطياب الروز فطنجرة أخرى ما كتلصقش و زدت ضويمة

ديال الزعفران و شفت الملح واش هي هاديك حيت خاصها تكون زايدة على قبل الروز ما

يجيش باسل و دائما خاص المرقة اللي يطيب فيها تحسي بها شوية مالحة فالوقت

اللي كان كيطيب فيه الدجاج وجدت الحشوة اللي هي : لوز مقلي + شوية زبيب مقلي ( غير

يتحط فالزيت و يتهز فالحين باش ما يتحرقش ) + بطاطا مقطعة مكعبات صغييييرة و مقلية

+ جزر مكعبات صغيرة و جلبانة مصلوقين + شعرية رقييييقة و طويلة ( درت ديال الأعشاش

هرستها بيدي ) محمرة فالزيت الطريقة فنفس المقلة فاش حمرت الشعرية كنزيد عليها شوية الماء سخون باش

ترطاب و طيب + رشة من نفس ليقامة اللي لفوق من غير الثوم طبعا و كنخليها حتى تنشف

من الماء و تلين و نزيد عليها داكالشي لاخر اللي وجدنا ديال الحشوة و نخلطهم مزيان

و نبقى نديهم و نجيبهم فالمقلة باش يتجانسو واذا بغيتي ممكن تزيدي رشة من ليقامة

اللي بغيتي ... وها هي واجدة 

فاش كيطيب الروز و يولي حبة على حبة كنزيد عليه نص خليط الحشوة و

نخلط كلشي غير بشوية ثم كنحط فوقهم الدجاج المحمر فالفران و نغطي كلشي بورق

أليمنيوم و ندير غطاء الطنجرة و نخليهم مكتومين فذاك البخار ديال الروز باش يطلقو

النكهة فبعضياتهم الروز + الحشوة + الدجاج لغاية وقت التقديم فالطبسيل حطيت الروز

ثن الدجاج ثم زينت كلشي بنص خليط الحشوة الباقي و بالصحة و الراحة


مشاركة على فيسبوك مشاركة على تويتر

أنت تستعملين الموقع كزائرة عادية فقط !
تسجلي الآن لتستفيدي من كل امكانيات الموقع

التسجيل الآن

تعليقات الزائرات :

طاجن السمك
صينيه الدجاج الحار
فيديو: كفتة كواري السردين بنين و بطريقة سهلة جدا
طريقة تحضير بسطيلة بالحوت و البطاطس بالصور
أكلات شرقية: دجاج بصوص الليمون والبرتقال
اللحم بالبرقوق والمشماش والكركاع
حساء اللحم مع الفاصوليا البيضاء