حلوى الشكلاط كلاصي بحال لباتيسري ( بالصور )
.png "جارة موثوقة")
المقادير :
4 بيضات
كيس من الفانيلا
قبصة الملح
170غ سكر سنيدة
170غ دقيق
و الا بغيتو الجنواز تكون سوداء حدفي 35غ من الدقيق و عوضيها بالكاكاو
طريقة التحضير :
ناخدو اناء نطربو فيه البيض، السكر،الفانيلا و قبصة ملح حتى تنسجم العناصر مزيان
ناخدو الاناء و نديروه فوق حمام مريم على عافية مهيلة حتى يتضاعف الحجم ديالو
من بعدو نحيدوه و نكملو تطراب حتى يبرد نضيفو الدقيق ونخلطو بملعقة خشبية من تحت لفوق و غير بشوية باش تبقى خفيفة
ناخدو لاطة و نديرو فيها ورق سولفيريزي و نكبوه و ندخلوها الفرن
دبا خرجناها انا كانقلبها على ورقة اخرى و نحيد الاولى كيف واضح في الصورة
كريما شانتي : انا خدمت بالجاهز عندي هاد العلبة طربتها مع ربع لتر من الحليب و لكن قبل درتهم بردو مزيان و حتى الاناء بردتو هاهما باينين في الصورة
نوجدوها و نخليوها في الثلاجة
دبا نوجدو لاموس دخلاني
المقادير:
4 اصفر البيض
5 اوراق الجيلاتين
100غ سكر سنيدة
كاس صغير من الماء
400غ شكلاط اسود
علبة قشدة طرية ( 200غ )
نديرو السكر و الماء يغلاو على شكل سيرو
ملي يكونو فوق العافية ناخدو اناء نديرو اصفر البيض نطربوه مزيان من بعد نضيفو اوراق الجيلاتين نعصروها مزيان و نبقاو نطربو ناخدو السيرو ديالنا و نضيفوه و نبقاو نطربو حتى يبياض شوية ماشي ضروري يبياض بزاف
من بعد ناخدو القشدة الطرية نسخنوها و نضيفو ليها الشكلاط لقطعناه باش يسهال علينا نحيدوها من فوق العافية و نكملو التطراب حتى يدوب الشكلاط
نضيفوه على الخليط ديالنا و نطربو حتى نتجانس من بعد ناخدو الكريم شانتي و نضيفوه و نحركو بملعقة خشبية من تحت لفوق غادي تولي عندنا موس خفيفة و لونها كريمي انا عجبني هاد اللون ههههههههههه
من بعد ناخدو المول نفرشو ليه بلاستيك غدائي نكبو ديك لاموس و نقادوها ناخدو الجينواز نسقيوها بالسيرو و نحطوها لفوق و ندخلوها المجمد انا هنا خليتها ليلة كاملة
دبا لكلاصاج انا درت
300غ شكلاط اسود
3 اوراق جيلاتين
2 اكياس مسحوق الكاكاو ( 14غ )
ربع لتر ماء
في كاسرونة ديري الماء و السكر حتى يصبح سيرو تحيديه و ضيفيه الشكلاط و الكاكاو و تحركي مزيان ملي ينساجم ضيفي اوراق الجيلاتين
نحيدو الحلوى من المول غادي تكون جامدة و نكمبو عليها لكلاصاج شوية بشوية و نقادو الوجه انا درت شبكة فوق بلاطو و درت عليه الحلوى و وجدت بلاطو اخر ملي كنكب لكلاصاج كامل كانهزها و نحطها في لبلاطو لاخر و نعاود نكب داكشي لنزل و هاكدا حتى ساليت و لكلاصاج ليبقى ديروه في المجمد لاستعمال اخر
و طريقة التزيين انا درت عجينة اللوز لدايرا بحال عجينة السكر حيت عندي بزاف و بغيت نقص شوية ههههههه لونتها ودهنت الحلوى كاملة بالنباج باش تبقى تلمع اوا هادشي لعرفت نتمنى تعجبكم
مشاركة على فيسبوك مشاركة على تويتر
أنت تستعملين الموقع كزائرة عادية فقط !
تسجلي الآن لتستفيدي من كل امكانيات الموقع
التسجيل الآن
#3
روعة اعطاك الله الصحة .مقادير مضبوطة وتقنية ممتازة في التزيين تسلم لي الايادي
#4
saraha tbarkalah 3lik taba3t m3ak man lawal walakin yakhti mostahil ngad bhalha het mkn3rafch lhalwa walo
تعليقات الزائرات :
مقيرطات بالتمر
كرواصة محشوة بالكفتة للمبتدئات بالصور
كعكة التيراميسو مع الكريما
حلوة السميد بالعسل
كيكة رطبة وهشيشة بالفرماج وبلا بيض
كيك بالتفاح
بيسكوي بالشكلاط والكارميل
