ميني كيش رائع المذاق

أم عضي

المواضيع: 623

جارة مديرة

2015-06-20 17:09:38

مشاهدات: 6853

---

عجينة مورقة
250 مل حليب
20 غ مايزينا
3بيضات ( الصفر مفروق على الابيض )
50 غ فروماج احمر محكوك
شوية قطع الديك الرومي مقطعة طراف صغااار
ملح و بزار
الطون

---

نطلعو ابيض البيض مع رشة ملح حتى يولي مثل الثلج ونحتافظو به جانبا .
نخلطو الحليب مع مايزينا ، الملح و الابزار...نخليوهم فوق نار مهيلة مع التحريك حتى يتقال الخليط .
نحيدوه من فوق النار و نضيفو ليه الفروماج محكوك ، و اصفر البيض وحدة بوحدة مع التحريك ثم نضيف ابيض البيض شوية بشوية و نحاولو نخلطو
غي بشوية حتى يتجانس الخليط.



 نقسمو الخليط إلى 2 واحد نضيفو ليه قطع الديك الرومي و الاخر نضيفو ليه الطون و الكورجيت نكونو شحرناها مع بصيلة وشوية الزيت والملح والابزار 


 نسرحو العجينة ديالنا و نقطعوها و نثقبوها بالفورشيط و نستفوها فمول الكب كيك الصغير، ثم نعمروها بالحشوة ديالنا 



ندخلوها طيب على درجة حرارة متوسطة ، ملي طيب نزينوها باش ما بغينا وهاهو ميني كيش رائع المذاق واجد  بالصحة والراحة




مشاركة على فيسبوك مشاركة على تويتر