اسرار تفيدك في المطبخ جارتي

اسرار تفيدك في المطبخ جارتي


اسرار تفيدك في المطبخ جارتي

ولاء76
المواضيع: 292

جارة مشرفة
2015-05-15 22:37:50

مشاهدات: 4312

المقادير :


_ الدجاج دالمناسبات ملي تغسليه خليه يتسقطر قبل ما ترقديه بالعطرية والربيع غادة تطحني حبيبات كمون ضروري يكون عاد طحنتية عصري عليهم شوية حامض ومليحة وحكيه على دجاج مزيآآآان
- باش الدجاج كاتحيد منه الزفورية كانغسلوه بشوية تاع الطحين او سكنجبير او الماء اونخليو يترقد فالخليط
- منين تبغي تحمري الدجاج دهنيه بشوية تاع الهريسة على بنة كاتجي فيه
- فاش ديري كرواصة ذهنيها بصفار البيض وشوية قرفة مدقوقة تتحيد زفورية ديال لبيض وتيجي لمداق بنين وريحة رائعة ملي تبدا طيب وريحة عاطية
- الحريرة ملي كطيب وتبغي تطفي عليها زيدي شوية ديال القزبر والمعدنوس ولكرافص وحركيها شوية ونطفي.كتجي رااائعة
- باش تبقا ريحة الترموس زوينا تاع القهوة كانديرو فيها 2 عودات تاع القرفة او تاع الحليب كاندير فيها قطعة السكر
- فاش نبغي تطيبي المرقة أو أي حاجة تتبغي البصل حتى الحريرة حكي بصيلة صغيرة في الحكاكة الغليضة نيشان في صفاية وعصريها من الماء نهائي عاد طيبي بيها، هذا تا يخلي المرق خاتر وما يجيش مارج، وتا يحيد الزفورية ديال البصل
- لماء ديال ترقاد لحامض زيديه في تشرميلة ديال الحوت وفالمرق والدجاج تيجي الأكل بنين
- الكيك الا بغيتو يبقى لكم مدة طويلة و يبقى هشيش زيدي فيه قطرات من الخل
- الربيع الا كنتي اديريه في الفريكو نقيه و غسليه و ديريه في شبيكة تاينشف مزيان عاد قطعيه كتبقى ريحتو و لونو فحال عاد مقطع
- باش تجيك مريقة د اللحم بالبرقوق زوينة و لذيذة تا اخر لحظة و زيدي شوية سنيدة
- اللي مافيها مايقشر التومة تحكها مباشرة في الحكاكة الرقيقة القشرة كتبقى الفوق و كتحصلي على تومة محكوكة بلا ماتصدعي راسك بتقشيرها
- من تبغي تصايبي الكيك بالفواكه الجافة والشكلاط مقطع ديري الفواكه الجافة فشي زلافة وزيدي عليها جوج معالق دقيق مرمديهم و غربليهم من الدقيق وزيديهم فوق الكيك وهاكدا كيبقاو فوسط الكيك مكيهبطوش لتحت
- ملي كيطيب الطاجين وتقربي تطفي عليه بوقت قليل زيدي عليه شوية د الزيت البلدية
- باش مريقتك تجي لذيذة وتاكلي عليها صبيعاتك وطيبيها فاش ماكان يا طاجين يا طنجرة ياكوكوط قطعي البصلة رقيقة زيدي عليها ملح ولخرقوم وزيت خليها تتقلى مزيآآآن عاد زيدي لقسم الله لحم او دجاج وخليهم يتقلو حتى تدبل لبصلة ويتغير لونها و يبدا يطرطق زيت عاد زيدي عطرية وتومة وربيع وزيدي لما مباشرة خليها تغلى ورمي خضيرتك وتلذذي بالرويحة
- سر اخر من تحرق ليك الطياب بلا ماتحتاجي سلك الحرش او تخسري معناتك غادي تاخدي خمارت الحلوة او الماء او ديرها على عافية مهيلة غادي يتحيد ليك انشاء الله كلشي بلا تمارا بلا صداع الراس
- منين تسلقي البطاطا زيدي معاها شوية نتاع الخل باش متفركعش ليك او تفتتش
- باش مايلصقش ليك الحليب من تبغي تفيضيه كادوزي شوية تاع الماء بارد في الكاسرونة
- من تكوني غادا تشري المعنات ديما يكون عندك طريف تاع المغناطيس في بزطامك باش تشوفي الماعن واش تاع اينوكس الحقيقي ولا مغشوش فيه الحديد

نتمنى نكن فدتكم شوية تقبلو تحياتي الجارات العزيزات على قلبي



























طريقة التحضير :





مشاركة على فيسبوك مشاركة على تويتر

جارة معجبة بهذا المنشور معجبة بهذا المووضع

أنت تستعملين الموقع كزائرة عادية فقط !
تسجلي الآن لتستفيدي من كل امكانيات الموقع

التسجيل الآن

تعليقات الزائرات :

السفة مدفونة
خبيزات صغار زوينين للكسكروط
بسطيلة بالدجاج
khobze rai3e
مرق البامية واللحم
بسيطلات صغار تيحمرو الوجه
طريقة تحضير العسل