ليوم جبت ليكم مجموعة عصائر منعشة وساهل

amina trid

المواضيع: 124

جارة مشرفة
maroc

2015-05-13 22:28:49

مشاهدات: 7301

المقادير :

ليوم جبت ليكم مجموعة عصائر منعشة وساهل
عصير الخيار و التفاح
المقادير : نصف لتر حليب + 2تفاحات + 1 خيارة كبيرة + سكر حسب الدوق
و ممكن مضاعفة المقادير حسب عدد الاشخاص
الطريقة : كطحني كولشي فالخلاط الكهربائي ويقدم باردا بالصحة و الراحة كيجي شوية ثقيل و رائع فالمداق و صحي جدا .
عصير الخيار والحامض لذيذ و منعش
المقادير :
3 الحمضات
4 خيارات
2 تفحات
2 لترماء
سكر حسب الذوق.
الطريقة:
الحمضات منقيين من الجلفة و العصفة نطحنوهم مع لتر من الماء ونصفوهمم من بعد نضيف 4 خيارات و2 تفحات والسكر حسب الدوق ونطحنو الكل ونضيف لتر اخر من الماء
و نطحن الكل ويقدم باردا مذاقه لديد جدا.
وبالصحة و الراحة.
عصير منعش و صحي و المداق رهيييييب
المقادير : 2 جزرات مقطعين ومصلوقين + 1 خيارة كبيرة مقطعة + 1بنانة + 4 برتقالات مقشرين و مقطعين + 1 ياغورت فاني + سنيدة حسب الدوق + لتر ماء بارد
الطريقة : في الخلاط الكهربائي كنطحنو البرتقال مع شوية الماء و نصفيوه مزيان , تم كنطحنو الجزر مع الخيار و البنان و الياغورت و السكر و شوية الماء و من بعد نخلطوه مع عصير البرتقال لي صفينا و نحركو كولشي مزيان و يقدم باردا بالصحة و الراحة كيجي واحد المداق رائع جدا جدا و مختلف
عصير الباربا
عصير البارباالمقادير:
1 كلغ من الباربا
2 رايبي
سكر سنيدة
لتر ونصف من الماء
الطريقة:
في طنجرة الظغط نضع الباربا مقطعة قطع صغيرة نضيف لها الماء نتركها لمدة ساعة تقريبا على نار متوسطة
بعد ذلك نتركها جانبا حتى تبرد نضعها في الخلاط الكهربائي مع الرايبي والسكر على حسب الذوق والماء المتبقي من الطهي نمزج العناصر جيدا حتى نحصل على خليط عاق نصبه في كؤوس ويقدم بارداً بالصحة والراحة.
مقادير عصير البرتقال بالجزر والخوخ
عصير اربع برتقالات
حبة من الخوخ
1 دانون فاني
3 جزرات مصلوقين بالقلب
سكر سنيدة على حسب الذوق
طريقة التحضير
ضعي جميع المقادير في الخلاط الكهربائي ثم شغلي الخلاط حتى تحصلي على خليط متجانس (أضيفي الماء
المتبقي من صلق الجزر عند الحاجة) صبي العصير في كؤوس فردية وقدميه بارد بالصحة والراحة.
عصير منعش و اقتصادي
ليمونة مقشرة
حامضة مقشرة
تفاحة
ثلاثة البنانات
ثلاث كيسان ماء
سنيدة
نطحنوا كلشي فمولينكس و نصفيوه و نقدموه بارد و بالصحة و الراحة ياي جي فن و دغيا تاي وجد

طريقة التحضير :

زورو صفحتي على فيس بوك شهيوات من كوزينتي من الجارة amina trid