مقروط بالتمر في الفران

ولاء76

المواضيع: 292

جارة مشرفة

2015-05-10 17:30:36

مشاهدات: 4602

المقادير :

العجين
750غرام سميدة رقيقة
250غرام دقيق
1كاس دالزيت
1خمارة ونصف
قبصة ملحة
ماء الزهر
ماءحسب الخليط
الحشوة
1كيلو دالتمر الخاص بالحلوى
شوية د الجنجلان صحيح منقي ومحمر اختياري
نصف معلقة صغيرة دالقرفة
راس المعلقة د القرنفل
شوية كوزة اختيارية
معلقة دالزيت

طريقة التحضير :

نخلطو السميدة و الدقيق مع قبصة ملحة و الخمارات مزياننزيدو الزيت حتى يترمل ونقسموه على3 لحقاش الا فزكناه كامل غادي ينشف انا شخصيا تنخدم كل شويية بوحدو باش نخدم على خاطري ومينشف حيت السميدة تتشرب السوائل دغيا والا زدناها عتعجن لينانخلطو التمر مع المقادير دياولو ونشكلو منو حريبلات على حسب السمك اللي بغينا نخلطو ماء الزهر مع الما ونقبطو قسمة دالسميدة نزيدولها الما ونجمعو دغيا العجينة بالاصابع ونشكلوها بالطول ونديرو فوسطها التمر ونرولي ووه ونبقاو نتقطعو بالموس شي 2CM للوحدة ونقشوه كيما بغينا مثلا بحال الورقة دالشجر او عشوائي و نستفو فاللاطة دالفران حتى نكملو العجين اللي فزكناه وندخلوه للفرن را دغيا تيطيب نردو بالنا معاه ومنين نخرجوه من الفران نيشان فالعسل الابغيناه يتعسل مزيان نخليوه شي7 دقايق الا بغيناه ناقص 3 او 4 دقايق ونكملو بهاد الطريقة حتى النهاية نتمنى تعجبكم هاد المقروط تيجي هشيش الفران يكون درجة متوسطة والعسل يكون بارد حيت عنديرو فيه المقروط سخون عيسخن بوحدو بحرارة المقروط