كيك رولي من ألذ مايكون بالمراحل

فاطمة الفهرية

المواضيع: 894

جارة مديرة
المغرب

2015-04-23 02:04:46

مشاهدات: 4831

المقادير :

4بيضات
كاس و نصف سنيدة
كاس و نصف دقيق
فاني
1خميرة الحلوى
قبصة ملح

طريقة التحضير :

نطرب البيض و السكر والفاني تايضاعف الحجم
ثم نمزج الملح والدقيق و الخميرة ونبقا نضيفهوم بالتدريج مع التحريك من الاسفل للاعلى .
ناخد اللاطة ديال الفرن نعمل فيها ورق الزبدة و ندهنو بشوية ديال الزيت او الزبدة و نخوي فيه العجين
ندخل الجينواز لفرن مسخن من قبل حوالي 180 درجة و الوقت كايختالف من فرن لفرن
ملي تكون كاطيب نوجد الحشوة .
انا عملت الكاكاو حوالي معلقة كبيرة مع ياغورت طبيعي و معلقة سكر بودرة
و عملتهوم شوية فوق النار و علملتهوم فالمجمد يشدو راسهوم
و كانحصل على النتيجة خليط كريمي راااااائع
ملي طيب ليا الجنواز نحيدها من اللاطة و نخليها ف الورق ديالها نعملها مباشرة ف منديل مبلل بشوية د الماء و نلويها ونخليها تبرد شوية
من بعد 10 دقائق نزولها من المنديل م نبسط عليها ديك الحشوة لي عملت جيدا
و نبدا نلفها على راسها و فنفس الوقت نبقى نزول داك الورق لي فيها
ونحطها فطبق التقديم و نزينها حسب الرغبة انا زينتها ب الكونفتير ديال التوت مع شوية ديال الكوكو و الشكلاط فيرميسيل
وهاهيا النتيجة النهائية ديال كيك رولي بالصحة و الراحة
شي دعيوة ♥♥