كسكس بالتفاية

أم عضي

المواضيع: 623

جارة مديرة

2015-03-26 14:17:19

مشاهدات: 12684

المقادير :

نص كيلو كسكس داري مويان
+ م ك زيت
+ ملح
+ كاس كبير الما
الدجاجة + م ص السمن + م ص سكينجبير + راس م ص ابزار + شوية خرقوم بلدي+ زعفران حر + عطرية الدجاج او حبة قرنفل و شوية بسيبيسة و الهيل + نص كاس الما + 1 ثوم + 2 عود قرفة + الملح

طريقة التحضير :

التفويرة الاولى : نص كيلو كسكس داري مويان + م ك زيت + ملح + كاس كبير الما ونبسبس باليد ونخليه ينشف ونرجعو ونخليه يتبخر 10 دقايق او اكثر من مور ما طلع التفويرة
التفويرة الثانية : نحلو بكاس الما كبير ونخليه ينشف ونرجعو يتبخر 10 دقايق من مور التبخيرة
التفويرة الثالثة : نحلو بكاس عنبة الما و الملح + الابزار + زيت العود ونخليه ينشف ونرجعو للنار ونخليه 10 دقايق من مور التفويرة
ناخد الدجاجة نشرملوها + م ص السمن + م ص سكينجبير + راس م ص ابزار + شوية خرقوم بلدي+ زعفران حر + عطرية الدجاج او حبة قرنفل و شوية بسيبيسة و الهيل + نص كاس الما + 1 ثوم + 2 عود قرفة + الملح وندهن الدجاج مزيااان من بعد ما تقبتو ونخليه مشرمل نص ساعة وندير في الطنجرة و نخليه يتقلى حتى ينشف ونضيف بصلة كبيرة محكوكة ونخليه يتقلى مع الزيت تقريبا نص كاس + م ص السمن ونخليه يتشحر + الربيع مقبط + نص م ص سكينجبير + ربع م ص ابزار + شوية الخرقوم و زعفران حر + شوية عطرية الدجاج + الما ايطرو ونص + اللوز يتصلق و يتنقى و ينشف ونضيفو حفنة تقريبا + 2 تمرات بلا عظم ونخلي الدجاج يطيب
مللي يغلى الما 10 دقايق نضيف 2 حبات مسكة حرة مدقوقين
نوجد التفاية : 2 كيلو بصلة بيضاء شرائح ونديرها مع ربع كاس زيت + م ص السمن + م ص الزبدة + عود قرفة + شوية عطرة الدجاج + ملح + 2 تمرات مقطعين رقاق ونغطيهال ونخليها تشحر 10 دقايق على نار مهيلة وناخد مغرفة من المرق من بعد ما على مزيااان تقريبا نص كاس + الزبيب يكون مرقد مسبقا نص ساعة في الما طايب
ونخليها طيب حتى تنشف من الما ديالها تقريبا ساعة او اكثر ونعري الطنجرة ونخليها تنشف ونضيف في الاخير 6 او 8 م ك سنيدة او العسل + م ص قرفة ونخليها تعلك بدون غطاء حتى تنشف و تعلك ونطفي البوطة ونضيف رابعة اللوز مصلوق و منقي وناشف ومقلي ومهروش رقيق
نقدم الدجاج مع التفاية و البرقوق معسل او أي فاكهة جافة اخرى معمرة و معسلة